Nef'î'nin "Ederim ben" Redifli Gazeli

Derdim nice bir sînede pinhân ederim ben

Bir âh ile bu âlemi vîrân ederim ben

Âh ile komam dilleri zülfünde huzûra

Cemiyyet-i ağyârı perîşân ederim ben

Cemiyyet-i ağyârı ger etmezse perîşân

Çarh-ı feleği aksine gerdân ederim ben

Yâr olmayacak zehr-i sitemdir bana bâde

Bilmem nice def-i gam-ı hicrân ederim ben

Gûyâ ki olur dîdelerim maden-i yâkût

Her gâh ki yâd-ı leb-i cânân ederim ben

Bu hâl ile âvârelik el verse bana ger

Baştan başa dünyâyı gülistân ederim ben

Nef'î gibi yârâna demem dahi nazîre

Yâ bu gazeli zîver-i dîvân ederim ben

Nef'î